Ministériu Agrikultura, Pekuária, Peskas no Floresta (MAPPF), liuhosi Diresaun Nasionál Polítika, Planeamentu, Monitorizasaun no Avaliasaun realiza formasaun ba Diresaun Jeral no Gabinete Sekretáriu Estadu kona-ba Portál Monitorizasaun MAPPF.
Objetivu formasaun ida nee mak atu esplika oinsá portál monitorizasaun MAPPF funsiona no dijitaliza rekolla dadus ba ativdaide nebe’e mak implementa iha nivel komunidade. Liuhosi Diretor Nasional, Sr. Sabilio dos Santos ninia intervensaun hateten katak sistema ida ne’e hanesan prosesu dijitalizasaun husi sistema manuál ne’ebé durante ne’e ita uza. Importante tebes ba ita atu dijitaliza informasaun sira ne’e atu nune’e fasil ba ita atu analiza no utiliza iha tempu naruk.
Liuhusi aprezentasaun Asesór Tékniku ba Planeamentu Polítika, Monitorizasaun no Avaliasaun, Sr. Tarcisio Ximenes, hateten katak oras ne’e ita iha ona aplikasaun web (web application) no aplikasaun móvel (Mobile application). Web application foka liu ba informasaun públiku no jestaun baze-dadus (database) no mobile application foka ba rekolla no verifikasaun dadus. Informasaun ida-ne'e sei foti hosi planu anuál, survey nomos relatorio sira nebe produz. Husu ekipa kada diresaun atu iha kuinesementu konaba indikador nomos perguntas ba verifikasaun indikador sira. Enkoraja ekipa hosi diresaun ida-idak atu iha koñesimentu kona-ba indikadór no pergunta sira ne'ebé uza hodi verifika.
Partisipante sira ne’ebé tuir formasaun ne’e mai husi Diresaun Jerál Servisu Korporativu, Diresaun Jerál Agrikultura Kafé no Plantas Industria, Diresaun Jerál Florestas no Gab. Sec Estado, Diresaun Jerál Peska Aquikultura no Jestaun Rekursu Aquatiku no Gab Sec. Estado, Diresaun Jerál Pekuaária no Verterária no Gab. Sec. Estado, Unidade Agrokomersiu Seguransa Alimentar no Koperasaun, no Unidade Quarentena no Biosegunrasa. Formasaun ida ne’e realiza husi dia 22 de Abril to 29 de Abril 2026.