MINISTRO AGRUKULTURA HALO KOILLETA HARE IHA SUKU ILILAI
Laivai - Lautem, 25 Juñu 2026 - Ministru Agrikultura, Pekuária, Peskas no Florestas (MAPPF), Marcos "MAMETA" da Cruz halo kolleta hare jéral utiliza mákina modern iha Laivai, Suku Ililai,Posto Administrativu Lautém, Munisipiu Lautém.
Iha intervista Exelénsia Ministro Agrikultura Pecuaria Pesca no Floresta Sr. Marcos “Mameta” da Cruz hateten, ita presija fornese aihan nebe barak maibe ho kualidade as, no sustentabilidade ba komunidade. Ida neé maka politika nonu Governo Konstitusional hanesan programa prioridade ba agrikultura.
Governante neé mos sublinã katak presija halo mudansa no modernija seitór agrikultura liu hosi mekanizasaun hanesan utiliza ekipamentus agrikola modernu hodi oferese ba agrikultores nune bele fasilita agikultores iha sira nia natar.
Ministro Agrikultuura Pekuaria Pesca no Floresta, iha biban hanesan hato’o mos nia apresiasaun ba autoridade local husi suku Ililai no Euquise nebe organiza agrikultores hodi halo natar hodi kuda hare no resulta ohin ita bele ona halo koilleta.
"Ha'u husu bá povu iha Laivai ne'e atu pro-ativu liutan, atu badinas nafatin hodi halai natar. Liuhusi utilizasaun fasilidades agrikultura modernu. Bee ne'ebé iha hodi bele halai Natar dala rua. Tanba ne'e ha'u mai reprezenta Governu no reprejenta mós Primeiru Ministru Maun boot Xanana hodi kontinua fó apressiasaun bá agrikultór iha ne'e no mós agrikultór sira iha Timor laran tomak".
Iha fatin hanesan representante Presidente Autoridade Munisipal Lautem, Sekretariu Munisipal Assuntu Sociais no Organizasaun Komunitaria Sr. Fransisco dos Santos haktuir katak fasilidade hanesan makina hirak ne kategoria modernu, nune’e husu ba agrikultor atu utiliza makina hirak ne’e ho responsabilidade, atu nune’e bele dura ba tempo naruk.
Husi patrte seluk Sekretariu mos subliña no husu ba grupu nebe existe atu uza ho responsabidade no ba fasilidades nebe iha tenke movel hodi bele fo apoiu ba agrikultor seluk hanesan Postu Iliomar, Luro no fatin seluk Iha Munisipiu Lautém.
Autoriudade Lokal Xefe de suku Ililai Jaime da Costa hato'o mos agradesimentu bá nonu Governu Konstitusionál liu husi Ministru Agrikultura, Pekuária, Peskas no Florestas tanba ho distribuisaun ekipamentu Agríkola modernu bele tulun ona povu sira iha suku Ililai hodi halai sira nia natar. "Ha'u hakarak informa katak bazeia bá dadus ne'ebé iha totál natar iha suku Ililai hamutuk hektare 500 natar ne'ebé halo ona iha ektare 350” Nu'udar Xefe Suco nafati serbisu hamutuk ho Governu hodi hamutuk dezenvolve setór agrikultura iha suku Ililai hodi avansa liutan bá oin.
Domingos da Costa Diaz, hanesan Natar nain, haksolok tebes tanba bele hetan atensaun husi Governu fasilita ekipamentu agrikultura modernu sira hodi hakmaan servisu todan ne'ebé sira hasoru durante ne'e, sira tenke selu ema hodi fila rai, kuda hare no koa hare. Kustu ne'ebé sira hasai boot liu maibé ho ekipamentu ne'ebé iha bele rezolve difikuldade hotu ne'ebé sira infrenta