MINISTRU MAPPF MARCOS ”MAMETA” DA CRUZ ENSERA WORKSHOP NASIONÁL KONA-BÁ FUTURU PESKAS DIJITÁL INTELIJENTE NO SENSIVEL MUDANSA KLIMA
Dili, 20 Marsu 2026 -Ministru Agrikultura, Pekuária, Peskas no Florestas (MAPPF), Eng. Marcos ”MAMETA” da Cruz MAgSt Partisipa Workshop Nasional ne’ebé koalia kona-ba Futuru Peskas Dijital Inteligente no Sensível ba Mudansa Klima (Ikan Adapt) hamutuk ho parseiru sira iha Ótel JL Vila, Sesta semana kotuk.
Workshop Nasionál ne’e foka ba dezenvolvimentu peskas ne’ebé uza teknologia dijital no abordagem inteligente atu responde ba mudansa klima, liu husi programa Ikan Adapt. Ne’e duni Ministru Agrikultura, pekuária, Peskas no Floresta (MAPPF), Marcos MAMETA da Cruz husu bá partisipaten sira hotu husi Munisípiu hitu ne’ebé partisipa iha workshop ne’e atu fó atensaun ho didi’ak bá materia sira ne’ebé maka parseiru sira hanorin daudaun ne’e.
“Ha’u husu bá imi atu aprende ho didi’ak saida maka ita nia maluk sira husi wordFish hanorin bá imi. imi idak-idak tenke koñese ho didi’ak oinsá mak bele halo buat sira ne’e ho di’ak”. Dehan Ministru bá partisipante sira molok ensera workshop nasionál konabá futuru peskas dijitál intelijente no sensivel bá mudansa klima.
Ministru Marcos MAMETA Informa dehan Primeiru Ministru kontente tebes bainhira hala’o vizita bá sentru peska nian iha Munisípiu Manufahi, PM haree progresu di’ak iha sentru refere. Tanba ne’e husu bá partisipante sira ne’ebé partisipa iha workshop ne’e atu kontinua involve nafatin iha prosesu tomak atu nune’e bele hatudu katak Timor-Leste bele rezolve ninia problema iha malnutrisaun liu husi servisu makas hodi hasa’e produsaun ikan atu nune’e bele apoiu komunidade sira bele konsumu ikan ho sufisiente.
“Ha’u husu bá imi atu servisu ho seriedade ho matenek ne’ebé imi iha, atu ajuda ita nia nasaun no estadu atu bele rezolve estadu nia problema maka hanesan importansaun boot, buka atu redus hodi hasa’e produsaun iha fatin hotu-hotu liu-liu iha parte hakiak ikan iha bee midar no mós hakiak iha tasi laran, Ha’u husu bá imi nu’udar timoroan buka atu aprende barak liutan ho ema matenek sira hodi nune’e bele jere ita nia rekursu ikan nian hodi nune’e ita bele fohan maluk sira no ita nia an rasik”. Ministru nia
Workshop ne’e reúne ho parseiru sira iha Timor-leste hanesan FAO, get, WordFish no UK internasional Development hodi diskute solusaun inovativu, partilha esperiénsia, no fortalese kapasidade iha setór peskas atu garante sustentabilidade no seguransa alimentár iha futuru.
Média Gab MAPPF